EA CASA DEI FEI

In chel ramo de cale dele Conterie
col solo pensier co no posso a pie,
ne la so casa a trovar vado i do veci mii,
là soli soleti ghe vive tranquili.

Co passo in premura da lontan vedo el cantonn,
e se anca no posso me vien la tentassion,
de dentro 'ndarghe, un solo momento,
e quando che lo fasso me sento contento.

Nei muri vedo scrita tutta la mia storia,
fin da quando de mi se pol 'ver memoria,
dei tanti momenti co se gera putei,
de come cresui se xe in tanti fradei.

I me gà lassà le ciave in scarsea
persiò me ricorda che la porta xe quela,
e che per tanti pensieri la vita pol dar
in chela casa da lori gabia sempre pesar!

BEPI TOSO FEI